Prokuroria e Tiranës ka kërkuar sot 5 vite burg për mjekun Petrit Rexhepi dhe po kaq vite edhe për anestezisten Elona Burba.
Prokuroria i konsideron dy mjekët fajtorë për vdekjen e shtetases Doriana Haka, bashkëshortja e futbollistit të Partizanit, Alban Hoxha.
Gruaja vdiq gjatë lindjes në maternitetin “Koço Gliozheni”, ndërsa mjekët akuzohen nga prokuroria për “mjekim të pakujdesshëm”.
Gruaja gjeti vdekjen vitin e shkuar 15 ditë pas lindjes së djalit. Sipas ekspertizës, mjekët kanë kryer 12 shkelje të kryera para dhe pas operacionit të kryer. Gruaja gjeti vdekjen më 19 nëntor të vitit 2014.
