Gazetari Artan Hoxha ka deklaruar dje për Neës24 se një deputet i Komisionit Parlamentar të Sigurisë ka zhvilluar një takim në burgun 302, ku ndodhet edhe Dritan Dajti, i akuzuar si kapobandë dhe autor i një masakre të pesëfishtë më 7 gusht të vitit 2009 në qytetin e Durrësit.
Po në të njëjtin burg ndodhet edhe Kastriot Ismailaj, administratori i kompanisë DIA, implikuar në aferën e CEZ.
Gazetari Hoxha la të të kuptohet dje se mes deputetit në fjalë dhe të dënuarit Dajti, mund të ketë patur një takim në burgun 302 në Tiranë.
Për këtë çështje gazeta “Panorama” është interesuar pranë Shërbimit të Kontrollit të Brendshëm, i cili ka deklaruar se po bëhen verifikimet e informacionit në fjalë.
Ndërkohë që pista më konkrete është se deputeti Braho ka takuar ish-zv.drejtorin e Burgjeve, Iljaz Labin.
Ky i fundit një anëtar i LSI-së, u arrestua para disa kohësh për korrupsion.
