Dalina Fico, bashkëshortja e Minsitrit të Pushtetit Vendor Bledi Çuçit e ka humbur për një moment qetësinë gjatë një emisioni televiziv. E ftuar në “Studio e Hapur”, Fico kërkoi të tërheq vëmendjen duke mbrojtur me fanatizëm idenë se në Shqipëri duhet të ketë legalizim të hashashit dhe të prostitucionit.
Të ftuarit në panel shprehën qëndrimin se Shqipëria nuk është ende gati për këto dy propozime pasi ka të tjera probleme sociale që janë më emergjente. Por për Dalina Fico nuk e duroi dot këtë qasje dhe ngre zërin për të shprehur qëndrimin e saj kundër.
Për t’i vënë vulën diskutimit, Fico tregon një shembull me një taksist që kishte takuar përpara se të vinte në emision. Sipas saj, taksisti kishte 2 fëmijë të mirëarsimuar dhe kjo tregon se Shqipëria nuk ka vetëm injorantë.
Por në fakt shembujt me taksistë janë përdorur shpesh nga kryeministri Edi Rama në takimet me qytetarët. Rama tregonte se kishte takuar taksistë të arsimuar me juridik. Mesa duket Dalina Fico, edhe pse e martuar me Ministrin e Pushtetit Vendor, Bledi Çuçi, ende nuk e ka harruar “dashurinë” e vjetër me kryeministrin Edi Rama duke e ndjekur hap pas hapi në fjalimet që ai mban. Rasti i tasksisit është shembulli më i mirë…
Përveç kësaj, qëndrimi i Dalina Ficos për të legalizuar prostitucionin dhe kanabisin nuk është i çuditshëm. Kjo pasi, Fico që në vitet e para të demokracisë frekuentonte plazhet nudo duke treguar një lloj liberalizimi të shfrenuar.
Më poshtë debati në emision:
Dalina Fico: Studimet shkencore nuk i kanë vërtetuar dëmet nga hashashi.
Flutura Açka: Do bëni mirë t’i bëni thirrje shqiptarët t’i kthehen punës. Ju në studio duhet t’u bëni thirrje shqiptarëve dhe fermerëve t’i kthehen punës, jo të mbjellin hashash dhe të çojnë vajzat prostituta.
Dalina Fico: Kam paraqitur pozicionin tim, prej 25 vitesh në harmoni me bindjet e mia dhe të drejtat e njeriut.
Natasha Lako: Kjo është për të bërë shaka.
Dalina Fico: Si i trajtoni shqiptarët si injorantë, sikur nuk dinë asgjë, si injorantë. Erdha me një taksist që kishte rritur 2 fëmijë të mrekullueshëm pa patur mendjen time dhe tënden. Nuk e duroj dot këtë elitizëm ekstrem të personave në Shqipëri. Kush jam unë dhe ti t’u tregojmë shqiptarëve. Çfarë është ky përçmim për shqiptarët. S’mund t’u themi shqiptarëve ju jeni plehrat e botës dhe nuk meritoni asnjë pikë lirie. Keni 1 orë që i thoni shqiptarëve ju nuk dini. Ç’është kjo? Unë kam dhënë pikëpamjen time.
Natasha Lako: Ule zërin, nuk është normale.
Dalina Fico: Hiqni dorë nga të bërat si zysh me shqiptarët.
Boldnews.al
