Deputetja Majlinda Bregu ka sulmuar sërish kryetarin të Partisë Demokratike, Lulzim Basha, duke thënë se opozita humbi në Dibër se nuk ka frymë dhe organizim.
E pyetur nga Sokol Balla në emisionin “Top Story” në Top Channel nëse i druhet një përjashtimi nga lista e kandidatëve për deputet të PD-së në zgjedhjet e ardhshme parlamentare, Bregu sfidoi Bashën duke thënë se në PD ka hyrë nga dera dhe se nuk e nxjerr dot kush nga dritarja.
Të flasim pak për Dibrën, që ju ka bërë protagoniste me kritikat brenda partisë. Cilat janë arsyet e humbjes sipas jush?
Nuk besoj se ka ndonjë arsye protagonizmi, dëshira apo mendimi. Dibra ishte humbje dhe nuk kam ngurruar ta them këtë as në mbledhjen e grupit dhe kam frikë se ajo intuita e gruas të drejton të kesh…
Po thoni që e parandjetë?
Një parandjenjë, kam qenë në Dibër dy herë. Shpesh shkëputemi duke menduar për qendrën tonë dhe botën tonë dhe në momentin që përballesh me njerëzit ka një ndjesi tjëtër, ajo që më ngeli në mendje ishte ajo ndjesia, një stepje që të dëgjojnë për hir të faktit që ke shkuar dhe po flet. Reagova me një status sepse e ndjeva veten të turpëruar kur pashë një bulevard të tërë të papunë. Askush nuk thoshte dot që po do të fitojmë. Unë e njoh pak dibrën dhe nuk mund të vija bast që do e fitonim.
Nuk kishte struktura të PD në Dibër?
Strukturat e PD sot janë në një situatë problematike. Kjo është e vërtetë ishte edhe në Dibër. Për fatin tonë të keq nuk është vetëm në Dibër, por është edhe në zona të tjera të PD. Nuk do ishte kaq kaotike nëse do të ishte bërë kaq problematike nëse do kishte përfunduar procesi i zgjedhjes.
Rasti i Dibrës sikur Basha u ul me grupet dhe bisedoi me e dolët me një kandidat të përbashkët.
Kjo ndodhi në zgjedhjet e vitit të kaluar. Ne gabuam. Dibra ishte një test lokal, ishte prova për të parë se kush do të drejtonte Dibrën. Droga dhe mbjellja e Shqipërisë me hashash është sot një fakt i dukshëm. Një fakt që ndikoi edhe në zgjedhjet e Dibrës e që ka të bëjë me korruptimin e shpresës së shqiptarëve.rezultati i Dibrës, 10 fishimi vjen edhe nga shumëfishimi i plantacioneve me drogë, por kjo nuk do të thotë të mos shohim veten në pasqyrë.
Ju jeni cituar nga burime brenda mbledhjes t’i keni cilësuar këto argumente qesharake?
Kam thënë që janë argumente jo të qëndrueshme. Ne u zhvendosëm në Dibër për të garantuar që të mos vidheshin votat. Ajo që po them është që nëse kjo situatë ishte e parashikueshme do të ishte mirë për të gjetur mënyra sesi ta përballonim. Mbase nuk mund të kishim fituar, por do të shmangnim humbjen kaq të thellë. Ka shumë arsye.
Cilat janë këto arsye? Ju folët për mosorganizimi i partisë nuk është problem ndoshta i Dibrës?
Për këto arsye them që duhet të ulemi dhe të diskutojmë. Krimi dhe droga kanë qenë gjithnjë në zgjedhje në Shqipëri. Problemi është si t’u bëjmë ballë atyre. Na duhet një strategji. Në një mesazh në facebook,. Një i ri më shkruan se do të votojë vitin tjetër, po ashtu edhe vajza ime, por ka një dilemë. Ai më thotë që nuk sheh shpresë në këtë vend.
Thatë që jeni rikthyer në 2004 në PD dhe një nga kritikat këto ditë nga shtypi pranë opozitës, thotë që ky është defekti më i madh, që ju nuk keni kontribut. Ju dukeni sikur jeni të pamësuar nga mungesa e pushtetit?
Shqetësimi im është sesi PD të kthehet si forcë e parë politike në vend në 2017.
Mendoni që kjo do të ndodhë kështu siç janë kushtet sot?
Dua që kjo do të ndodhë.
Do t’i thoni vajzës tuaj dhe atij djalit që të votojë PD vitin tjetër?
Absolutisht po. Partia Demokratike erdhi në pushtet sepse bashkoi demokratët dhe nisi të shohë nga vetvetja. Kam frikë sepse çështjet që shqetësojnë shqiptarët, nuk po adresohen siç duhet nga ne. Marrim rastin e maturantëve, a u thamë neve atyre sesi dilet nga kjo situatë? Kam dëgjuar plot, por nuk ka një diskutim.
Ju thoni që problemi që ka PD është identifikimi apo dhënia e zgjedhjeve?
Të dyja bashkë. Përsa kohë kemi një krah që bën sulme ndaj qeverisë, pjesa tjetër është ajo që duhet të zhvillojmë dhe duhet të jetë pjesë e një debati tonë të brendshëm që si të bindim shqiptarët që ne jemi alternativa më e mirë në këtë vend. Ne duhet të punojmë që të mbërrijmë me strategji të qartë në 2017. Duhet të punojmë për identitetin e PD. E kam nisur që në verë kur flitej për variantet me qeverinë teknike. E thashë atëherë përse Edi Rama dhe Ilir Meta të ndahen nga njëri-tjetri, sepse kanë ndarë sinorët e pushtetit? A mund të vijë PD me forcën që po mban Ramën në pushtet?
LSI ju mbajti ju 4 vjet ministre…
Po dhe është pjesa që akuzohemi më shumë për korrupsion.
Mund të ndodhë që në një qeveri e mundshme nesër PD-LSI nuk ju gjen ministre…
Kjo nuk ka asnjë lidhje me mua, po flas për një frymë dhe model për të bashkuar dhe dhënë shpresë demokratëve.
Ju keni deklaruar se keni votuar Sokol Olldashin, i ndjeri ka qenë kundër aleancës me LSI dhe e ktheu këtë në platformën e tij në fushatën për kryetar të partisë. Përse nuk e votuat atëherë Lulzim Bashën?
E kam votuar sepse mendoja që ishte figura më e mirë për të zëvendësuar Berishën dhe me Sokolin kemi ndarë të njëjtën frymë që ishte ajo për të forcuar dhe patur një PD sa më të fortë. E kam votuar sepse kam menduar se do të ishte një kryetar shumë i mirë. Nuk kam mundësi sot që të jap provën e kësaj që them, po të ishte gjallë do të ishte prova. Por ajo që po ndodh sot, fatkeqësisht përveç humbjes së një miku është edhe një minus shumë i madh i PD.
Ju thoni që vota juaj provohet sot nga gabimet e Lulzim Bashës?
Besoj që kam bërë një zgjedhje të duhur për frymën që Olldashi. Asnjëri nga ne, përfshirë edhe të ndjerin në asnjë moment nuk do të bëhej shkopinj nën rrota për liderin e PD. Unë di që ka patur një frymë dhe një model Olldashi, që sot e kanë demokratët e thjeshtë. Lulzim Basha është kryetari i PD sot…
