Nga Klodian Tomorri
Besoj se e keni marrë vesh të gjithë lajmin e bujshëm që Autoriteti i Konkurrencës (AK) ka hapur hetim për tregun e sigurimeve pas rritjes se fundit te çmimeve? Deri këtu shumë bukur. Vendim për t’u përshëndetur.
Tani e dini për çfarë do të hetoje Autoriteti i Konkurrencës? Për sjellje të koordinuar ose marrëveshje kartel mes kompanive te sigurimeve, ku nuk përjashtohet të jetë përfshirë edhe vetë Autoriteti i Mbikqyrjes Financiare (AMF)
Struktura që do kryejë hetimin nga Autoriteti i Konkurrencës është Drejtoria e Mbikqyrjes se Tregut. Edhe deri ketu shume bukur. Por ka një problem të vogël. Drejtori i Mbikqyrjes se Tregut ne AK dhe kryetari i bordit drejtues te AMF-se janë i njëjti person.
Dmth, e thënë shkoqur, drejtori i mbikqyrjes se tregut në AK do të hetojë veten e tij si kryetar i bordit të AMF dhe kompanitë e sigurimeve.
Tani pyesni, lexoni, kërkoni nëpër internet për një rast të ngjashëm në historinë e njerëzimit ku hetuesi dhe i pandehuri janë i njëjti person. Nuk keni për të gjetur kurrë. Vetëm Komisionit Parlamentar të Ekonomisë dhe Kuvendit të Shqipërisë i duket normale kjo. Ndërkohë qytetarët mund të rrinë të qetë se interesi i tyre është i mbrojtur.
Ja pra, këto janë institucionet tona. Dhe ky është shteti që kemi ndërtuar. Po huazoj shprehjen e një kolegu. Shtet VK.
