Reshjet e shumta të shiut që kanë nisur pasditen e sotme në gjithë vendin, kanë risjellë edhe një herë përmbytjet pothuajse në çdo qytet, situatë pandryshuar prej vitesh në Shqipëri.
Edhe pse nga vetë kryebashkiaku i Tiranës Erion Veliaj shpesh herë ka inaguruar ndërhyrjet në rrjetet kulluese të rrugëve, duket se asgjë s`ka ndryshuar.
Shembull për këtë janë disa rrugë në Tiranë ku Veliaj i ka shkatërruar për të shtruar tuba më të mëdhenjë për kanalizime, por pavarësisht kësaj të njëjtat rrugë janë përmbytur duke dalë uji mbi sipërfaqe.
Video të ndryshme janë shpërndarë në rrjetet sociale, ku siç duket edhe në këtë video të shpërndarë nga aktori i humorit, Julian Deda, situata këto orët e fundit në Tiranë është vërtetë alarmante.
Kjo vërteton edhe njëherë se kryetari i Bashkisë së Tiranës është më tepër njeri i fjalës sesa i veprave.
