Boldnews.al ka siguruar foto ekskluzive të avionit të vogël tip “Piper” që u rrëzua mëngjesin e sotëm në zonën kënetore të grykëderdhjes së Ishmit në Durrës.
Në foto duket vendi i ngjarjes që duket si një pistë, por Boldnews.al ka siguruar edhe foto të avionit nga brenda.
Ndërkohë Prokuroria e Krimeve të Rënda dyshon se avioni i rrëzuar sot në Ishëm mund të jetë përfshirë në trafikun ndërkombëtar të drogës, për këtë arsye ata po marrin në pyetje pilotin italian, Guido Andrea.
Mësohet se piloti italian Guido Andrea Guidi rezulton person me precedent të mëparshëm në Itali.
Në 23 tetor të 2013, piloti 69-vjeçar, së bashku me një shtetas tjetër, Eduardo Rubino, janë akuzuar për nxitje korrupsioni.
Mediat fqinje kanë shkruar më parë se ata i kishin premtuar para një këshilltari teknik të prokurorisë për të plotësuar një dokument fals konsulence, për një aksident ajror të ndodhur në aeroportin Linate të Milanos, ku mësohet se kishin vdekur piloti dhe ndihmës piloti i një avioni fluturimi të linjave me kosto të ulët.
Avioni i rrëzuar u denoncua në nisje të seancës parlamentare nga deputeti Flamur Noka, sipas të cilit avioni po transportonte drogë.
