Jo vetëm simbol i dashurisë romantike dhe gjest pasioni. Puthja –sot shënon Ditën Botërore – ka një efekt terapeutik që e bën atë edhe më të vlefshme.
Për shembull, për të lehtësuar një dhimbje koke apo dhimbje shpine. Një studim i fundit i publikuar në revistën “Current Pharmaceutical Design” ka treguar se ositokina e çliruar kur puthim apo përqafojmë dikë, mund të lehtësojë dhimbjen, sepse ajo ka veti qetësuese dhe gjithashtu aftësinë për të ulur ankthin dhe depresionin tek njerëzit që vuajnë nga dhimbjet kronike. Por përfitimet që një puthje mund të ketë në mirëqenien tone janë të shumta.
Forcon sistemin imunitar. Në dhjetë sekonda puthje shkëmbehen 80 milionë baktere, duke përfshirë edhe të dëmshme. Ndër këto me siguri steptokoku ose virusi Epstein-Barr. Por edhe ky shkëmbim i baktereve mund të jetë i dobishëm sepse stimulohet sistemi ynë imunitar.
Efektet hormonale. Puthja është edhe një lloj rregullatori endokrin. Kur puthim në mesin e substancave të prodhuara ka dopamine, endorfinë, serotoninë. Kjo është arsyeja pse shpesh gjatë një puthje pasionante zemra juaj rreh fuqishëm.
Një puthje për të gjitha moshat. Jo të gjitha puthjet janë të njëjta, por efektet që prodhojnë nga pikëpamja psikologjike janë shumë të ngjashme: Puthja franceze e shkëmbyer mes dy të dashuruarve është shumë e ndryshme nga ajo që ne i japim fëmijëve tanë, por të dyja janë të bazuara në të njëjtin koncept që është për një kontakt më të ngushtë.
Edhe puthjet që i japim për të përshëndetur tjetrin përfaqësojnë një manifestim të dashurisë dhe kujdesit për të tjerët.
Puthja që nëna i jep fëmijës kur lëndohet është tipi kompensues për dhimbjen dhe transmeton mesazhin se mami është e vëmendshme për nevojat e tij emocionale.
Puthja është gjithashtu e dobishme për të moshuarit: Për ata që shpesh janë të sëmurë dhe vetëm, puthja e një fëmije apo nipërve ka një efekt shumë të fuqishëm, sepse ajo ka funksionin e një sigurie të madhe emocionale dhe është një antidot i fuqishëm kundër depresionit.
Dëshirë për të puthur. Ajo plot pasion midis një burri dhe një gruaje është puthja më e përfaqësuar si në filma dhe në këngë dashurie. Është një gjest i një intimiteti të thellë, edhe më shumë se sa seksi, kini parasysh që disa prostituta nuk shkëmbejnë puthje.
Burimi: La Repubblica
