Gjykata e Vlorës ka caktuar masën e sigurisë arrest me burg për 30 ditë për katër persona që u gjendën afër një stani ku ishte kultivuar kanabis. Shtetasve nuk u janë gjetur lidhje të drejtëpërdrejta për kultivimin e kanabisit.
Të arrestuarit në aksionin e policisë ku merrnin pjesë dhe gazetarët janë shtetasit Sokol Lelaj, Altin Lelaj, Hamet Bitaj dhe Nexhip Lamaj. Të arrestuarit pranë parcelës u pyetën nga gazetarët ditën e arrestimit të tyre, kur Ministria e Brendshme kishte vendosur t`i marrë me vete në një aksion kundër kanabisit.
Gazetarët e kronikës vërshuan nëpër parcelën ku Ministri Saimir Tahiri kishte vendosur të zhvillonte aksionin. Për më tepër në këtë aksion u bë dhe arrestimi i katër shtetasve të cilët sipas hetimeve hetimore të shërbimeve të policisë nuk u konstatuan sende të kundraligjshme të tyre.
Të arrestuarit të pyetur në lidhje me parcelat me hashash, stetasit Nexhip Lamaj, banor i fshatit Rroms dhe Sokol Lelaj dhe Altin Lelaj, banorë të fshatit Gorisht shpjeguan se kanë shkuar tek puna e të afërmit të tyre, shtetasit Agim Lelaj për të shkundur bajame, punë e cila ka vijuar përgjatë natës së datës 30.08.2016.
Në orët e para të mëngjesit u kanë shkuar disa efektivë të F.N.SH. të cilët i kanë marrë dhe i kanë vendosur në një si stallë e më pas i kanë shoqëruar për në ambientet e Komisariatit të Policisë Vlorë. Shtetasi kanë shpjeguan se nuk kanë lidhje me kultivimin e Cannabis. Shtetasi Hamet Bitaj nuk ka pranuar të japë shpjegime lidhur me faktin.
