Fotot e shpërndara nga vetë policia tregojnë se operacioni për kapjen e David Qoses në Torovicë të Lezhës nuk ka qenë i lehtë.
Nga pamjet kuptohet se forcat RENEA kanë bombarduar me granata dhe gaz lotsjellës shtëpinë e 27-vjeçarit, derisa kanë bërë të mundur arrestimin e tij. Pothuajse e gjithë banesa është rrënuar dhe djegur.
David Qosja njihet si person me probleme mendore, por kjo nuk është konfirmuar zyrtarisht. Më herët gjatë ditës ai qëlloi për vdekje efektivin e FNSH-së, 50-vjeçarin Ardian Kodra.
