Një 57 -vjeçar nga Korça, ka kërcënuar me jëtë kryeministrin Edi Rama me anë të disa letrave.
Xhibrilimin Keço është vënë nën hetim ku më pas ka rezultuar si i sëmurë mendor. Përmbajtja e letrave janë konsideruar si kërcënuese. Më 30 gusht në zyrën e kryeministrit kishte mbërritur një zarf me disa letra brenda. Përmbajtja e tyre nuk është bërë publike, por burime të policisë thanë për lapsi.al se letrat, përveç se kërcënuese, nxisin urrejtjen dhe grindjen.
Policia e Tiranës ka verifikuar dërguesin dhe ka zbuluar se ai është një person me probleme mendore, që njihej nga të gjithë në lagjen e tij për këtë fakt. Megjithatë kjo nuk i ka penguar forcat e rendit që të nisin hetimet për 57 -vjeçarin për të zbuluar arsyet e vërteta të kërcënimit. Pak kohë më parë policia arrestoi edhe një avokat që kishte këmbyer disa mesazhe telefonike me kryeministrin. Kreu i qeverisë kërkoi ndihmën e uniformave blu, pasi i konsideroi mesazhet si shqetësuese.
Burime nga policia thanë se i moshuari vuante nga një sëmundje mendore prandaj është shtruar në spitalin psiqiatrik në Elbasan. Gjithsesi personi është nën hetim për tendenca radikalizimi e ekstremizmi.
