Kompanitë e sigurimeve kanë rritur njëherazi primet me 15-20 për qind krahasur me çmimet që aplikoheshin deri dje. Vendimi është marrë ditëve të fundit, sipas kompanive, për t’iu përshtatur situatës reale që paraqet tregu. Sipas tyre, primi aktual reflekton primin e riskut që lidhet direkt me një sërë aspektesh nga shpenzimet e kompanive tek dëmet e krijuara, që mbeten akoma të pashlyera nën programin me Autoritetin e Mbikëqyrjes Financiare e deri tek marzhi i fitimit për të ruajtur likujditetin e tyre.
Por, barra bie mbi konsumatorët.
Deri tani, primet mesatare në treg janë vendosur në bazë të dy kritereve: vjetërsisë së makinave dhe volumit motorik. Për mjetet deri në deri 1.600 cm3, ato me moshë nën 10 vjet paguajnë 17.500 lekë në vit si sigurim i detyruar. Më të vjetra se 10 vjet duhet të paguajnë 18.300 lekë. Për mjetet nga 1.601 deri në 2.500 centimetra kub kapacitet motorri, nën 10 vjet paguhet 18.500 lekë.
Për automjete më të vjetra se 10 vjet, shifra shkon në 19.000 lekë.
Për motorët më të fuqishëm tarifa rritet. Kështu, për motorra nga 2.501 cm3 e sipër, nën 10 vjet paguhen 19.200 lekë, ndërsa më të vjetra se 10 vjet, 19.800 lekë.
Çmimet që aplikoheshin deri dy ditëmë parë ishin dukshëm më të lira. Për mjetet deri në 1.600 cm3 me moshë nën 10 vjet, tarifa ishte 13.800 lekë; për ato më të vjetra se 10 vjet, 14.500 lekë. Mbi 1.601 cm3, deri në 2.500 cm3 nën 10 vjet, polica paguhej 15.500 lekë, ndërsa mbi 10 vjet 15.700. Për kapacitet motorrik mbi 2.501 cm3, nën 10 vjet 15.800 lekë dhe mbi 10 vjet, 16.500 lekë.
Rritja e tarifës sjell edhe më shumë të ardhura në arkën e shtetit. Kjo, jo vetëm për shkak të një xhiroje më të madhe, por edhe për faktin se qeveria takson tani 10 për qind primin bruto.
Në pikat ku pritet siguracioni gjithsesi kompanitë kanë lënë një marzh uljeje, që shkon deri në 15 për qind nga çmimet mesatare të aplikuara dhe publikuara zyrtarisht.
Shitja
Megjithatë, në pikat fundore, ku polict shiten me pakicë, kompanitë kanë lënë një marzh uljeje, që shkon deri në 15 për qind nga çmimet mesatare të aplikuara dhe publikuara zyrtarisht nga siguruesit.
