Lojërat Olimpike Rio 2016, konsiderohen si eventi sportive më i rëndësishëm sportiv në të gjithë botën. Rreth 11,000 atletë garojnë në 28 lloje të ndryshme sportesh dhe 42 disiplina, ku të gjithë synojnë “medaljen e artë”.Vlera monetare e medaljes prej ari në këto Lojra Olimpike është afërsisht 564 dollarë , bazuar në çmimin e arit dhe atë të argjendit. Çmimi i medaljes së arit ka qenë më i lartë në vitet e kaluara. Në lojrat olimpike dimërore “Sochi Winter Olympic Games” të dy viteve më parë vlera e saj ishte 566 dollarë, vetëm 2 dollarë më shumë, edhe pse medalja ishte rreth 31 gram më e rëndë. Ndërsa në lojrat olimpike të Londrës, vlera e saj arriti rekordin prej 708 dollarësh sepse në atë vit çmimi i arit dhe argjendit ishte shumë i lartë.
Nëse e gjithë medalja do të ishte prej ari, vlera e saj do të arrinte në 22,000 dollarë dhe prandaj edhe viti 1912 është viti i fundit kur janë shpërndarë medaljet e fundit prej ari.
Për këto Lojra Olimpike u prodhuan rreth 2,448 medalje, 812 ari, 812 argjendi dhe 864 bronzi. Të gjitha medaljet kanë të njejtën përmasë dhe peshë, me një diametër prej 85 mm dhe një peshë prej 500 gr, duke i bërë edhe medajlet më të rënda në historinë e Lojrave Olimpike të verës.
Secila prej medaljeve të arit ka në përmbajtje 6 gram ar të pastër (99.9 për qind i pastër) dhe 496 gram argjend të pastër.
