Qeveria, nëpërmjet Drejtorisë së Përgjithshme të Ujësjellës Kanalizimeve në Tiranë, vazhdon të investojë vetëm në vendet ku pushojnë krerët e shtetit.
Pas bërjes së ujesjellësit për zonën e gjirit të Lalzit, në Durrës, është hapur sërish thesi, duke akorduar plot 12 miliardë lekë të vjetra, për një kolektor
Boldnews.al ka siguruar dokumentet e tenderit, i cili ka si objekt “ndërtimin e kolektorit kryesor të ujërave të zeza dhe I.T.U.P, në zonën turistike Gjiri i Lalzit, Durrës”. Fondi është 1.197.059.822 lekë pa TVSh dhe kohëzgjatja e kontratës ose afati kohor për ekzekutimin është 30 muaj.
Boldnews.al. nuk është kundër investimeve në zonat turistike, por qeveria ka lënë pa investime, ose ka bërë kaos me to (siç është rasti I Lungomares në Vlorë), vendet ku pushojnë qytetarët e thjeshtë. “Dora” e tyre prishi plazhet në Durrës, Golem, Shëngjin, Velipojë si dhe në Vlorë. Tashmë, kujtohen për rehatin e tyre, pasi në Lalz kanë vila shumë qeveritarë dhe të tjerë presin të bëhen pronarë.
Sipas okumenteve që disponon Boldneës.al, punimet përfshijnë ndërtimin e kolektorit kryesor të KUZ në zonën turistike të gjirit të Lalzit me një gjatësi rreth 5 400 ml për pjesën me gravitet dhe 1 700 ml për pjesën me ngritje mekanike, i cili do të shkarkojë tek impianti i ardhshëm i trajtimit të Ujërave të Përdorura si dhe ndërtimi të Impiantit të Trajtimit për fazën e parë me një popullsi prej 15 000 banorë ekuivalente.
Skema funksionon me katër stacione pompimi të ndërmjetëm të cilat janë të pajisur me pompa zhytëse për ujëra të ndotura.
Punimet e Ndertimit konsistojne ne:
Punime dheu per kanalet, ndeprerjet e kanaleve, themeleve, strukturave dalese, pusetave te
shkarkimit, pusetave te tjera, etj.
Punime betoni dhe betonarme
Furnizim dhe Instalim i tubave HDPE dhe pusetave polietileni
Punime metali dhe mbrojtese
Punime rrugesh
Testet e rrjedhjes dhe te papershkueshmerise, Testimi i Betoneve dhe tubave
Te ndryshme
Instalimi i pompave zhytese dhe paneleve elektrike
Instalimi I pajisjeve teknologjike te proceseve te trajtimit
Punime elektrike dhe SCADA
