Ditën e djeshme, kryeministri Edi Rama debatoi me komentuesit në rrjetin e tij social Facebook lidhur me ndërtimin e veprave jetike si ujësjellës, kanalizime apo rrugë.
Ai u tha qytetarëve të cilët u ankuan për rrugë e ujë të pijshëm se nuk ka fonde për të plotësuar kërkesat e tyre. Ndërsa, ditën e sotme, kryetari i Partisë Demokratike, Lulzim Basha i është përgjigjur kryeministrit me anë të një statusi.
Basha shkruan se nuk ka lekë për rritje pagash dhe pensionesh pasi ato shpërdorohen në tendera dhe dogana.
Statusi i Bashës
Edi Rama ka pranuar publikisht faturen e korrupsionit të tij, që rëndon drejtpërdrejt tek qytetarët. Rama thotë nuk bëjmë dot ujësjellesa e rrugë sepse nuk ka para. Sepse 1 miliardë euro vidhen e shperdorohen cdo vit ne tatime dogana tendera dhe koncesione hajduterie. Janë para të shqiptarëve, të djersës së tyre, të taksave që paguajnë. Por qe plackiten nga qeveritarët e nuk kthehen ne te mira per qytetaret. S’ka para, thotë Rama, për ujësjellesa e rrugë. Nuk ka para per ilace, per ndihme ekonomike, per rritje pensionesh e rrogash. Nuk ka si të ketë, kjo është fatura e korrupsionit. Ska si të ketë lekë për qytetarët, thesi zbrazet për rehatinë e Ramës e hajdutëve të tij. Por ka 80 milionë dollarë për mobilim zyrash e blerje makinash. Ka 15 milione dollare per bileta avionesh
