Nga Boldnews.al
Pas publikimit të Boldnews për pagat stratosferike të drejtuesve të OSHE-së ka reaguar vetë kompania dhe zyrtarët e Ministrisë së Energjetikës. Në rrjetet sociale Ministria përpiqet të sqarojë se drejtuesit e OSHE i ka zënë halli pasi paga të tilla i kanë trashëguar nga qeverisja e PD-së. Boldnews ka bërë publik vendimin e fundit të Këshillit të Ministrave icili përcakton pagën e administratorit të OSHE-së, Ardian Çela, me 3 milion lekë në një kohë kur aksioni për energjinë ka çuar në litar dhe në vetevrasje disa qytetarë të cilët kishin debi prej dhjetra mijëra lekësh të vjetër kundrejt kompanisë.
Korrupsioni dhe padrejtësitë e mëdha detyruan një qytetar shkodran vetëm disa ditë më parë të therte më thikë një punonjës të OSHE-së. Viktimizimi ose mbrojtja me çdo kusht e pagave stratosferike, të pa merituara dhe të padrejta nuk bën gjë tjetër veçse e shton pakënaqësinë e qytetarëve ndaj kompanisë shtetërore të shitjes së energjisë elektrike. Janë me dhjetra mesazhe që kanë mbërritur në Boldnews për rastet korruptive të punonjësve të OSHE-së nga e gjithë Shqipëria,ndërkohë që në ditët në vazhdim ne do e njohim publikun me këto denoncime. Janë të pa numërt tenderat korruptiv të OSHE-së gjatë muajve korrik-gusht duke kapur vlerat prej miliona eurosh. Të gjitha këto tendera i fiton oferta më e lartë dhe miq të administratorit të OSHE-së Ardian Çela apo ministrit Damian Gjiknuri. Ndërkohë OSHE e shurdhët ndaj publikimeve të tenderave të saj korruptiv vë në veprim gjithë makinerinë e propagandës për të mbrojtur pagat e majme të cilat paguhen me gjakun e shqiptarëve.
Ja se çthotë OSHE në reagimin e saj:
“OSHEE sqaron opinionin publik se paga e Administratorit dhe ato të nivelit të lartë drejtues nuk kanë ndryshuar, por janë të njëjtat paga të caktuara me Vendimin Nr. 21, datë 18.02.2013 të Entit Rregullator të Energjisë. Janë pagat e percaktuara që në kohën kur qeveria drejtohej nga Partia Demokratike dhe Kryetar i ERE ishte Sokol Ramadani ndërsa Administrator i Shoqërisë së shpërndarjes së energjisë ishte Sahit Dollapi”.
Paturpësia dhe makutëria e OSHE-së nuk ka kufij. Në shkrimin e publikuar nga Boldnews dhe të marrë nga mediat e tjera online nuk vihet gishti vetëm mbi këtë administratë OSHE-je edhe pse ky rast korruptiv ka ndodhur vetëm pak kohë më parë. Sipas logjikës së OSHE-së dhe drejtuesve të saj nëse vazhdon të vjedhësh si ata që ishin para teje nuk ke faj,je i dënuar ta bësh një gjë të tillë. Fundja me të njëjtën filozofi përqaset edhe kryeministri Rama i cili të gjitha krahasimet, edhe pse pas 3 vjet qeverisje, i mat me qeverisjen e kaluar dhe jo me premtimet e Rilindjes. Pakënaqësia qëpo ngjallin drejtuesit e kësaj kompanie mund të bëhet shkak për drama të forta si ajo e para pak ditëve në Shkodër dhe pse jo për protesta qytetare ndaj hajdutëve të të gjitha ngjyrave. Por aktualisht hajdutët janë këta të Rilindjes,me ngjyrë mavi.
