Nëndrejtori i Policisë kufitare në Durres, Erjon Ismaili drejton trafikun e drogës nga Kruja në drejtim të portit të Durrësit.
Denoncimi është bërë nga ish kryeministri Sali Berisha, duke iu referuar, siç thotë ai, një dëshmie nga një oficer.
Ismaili ka lidhje edhe me zyrtarë të tjerë, sipas mesazhit të përcjellë në profilin e tij në Facebok nga ish kryeministri.
“Shefi i Komisariatit Krujë, Erjon Ismaili erdhi në Durrës në 2013 si Shef i Seksionit të drogës pasi është lidhje e ngushte e Drejtorit Perlat Cullaj dhe Vangjush Dakos. Pastaj e larguan në Shkodër pasi kishte pasur probleme më drogën kur ka punuar në Gjirokastër. Më pas, Vangjushi e solli Nëndrejtor në Policinë kufitare Durrës. Aktualisht ai drejton Trafikun e drogës nga Kruja në drejtim të portit Durrës ku Nëndrejtor është Mojsi Sulaj, i cili kohë më parë u ndërrua me Erjonin në Kruje”, thuhet në mesazh.
“Mojsiu është vëllai i Arjan Sulës, i cili është Drejtori i Auditit në Ministrinë e Brendshme, lidhje e ngushtë e Saje Qorrit. Që nga 2013, Perlati, Mojsiu dhe Erjoni janë brenda qarkut të Durrësit duke këmbyer detyrat. Perlat Cullaj është i vetmi drejtor Qarku që s’ka lëvizur që nga 2013. Droga mbrohet kundrejt 30 % nga Perlati e Erjoni dhe me pas dërgohet drejt portit të Durrësit ku drejtor është mostra Boge Budini dhe nëndrejtori Mojsi Sulaj. Në Shkodër, është dërguar Drejtor Alban Cela i cili ka lidhje fisnore me Saje Qorrin”, vijon mesazhi denoncues.
