Një ekzekutim mafioz ka ndodhur në Vlorë. Mësohet se një i ri, rreth 24 vjeç, ende i paidentifikuar është gjetur i vrarë mëngjesin e sotëm në Mesaplik.
Nga informacionet e para, mësohet se viktima është qëlluar me një plumb në kokë. Ai është gjetur nga banorët e zonës në fshatin Mesaplik, ndërsa policia ende nuk e ka identifikuar.
Madje Policia e Vlorës po tenton ta fshehë ngjarjen dhe nuk jep asnjë informacion. Dyshohet se ekzekutimi ka lidhje me kultivimin dhe trafikun e drogës në zonën e Vlorës.
Trupi i të riut është dërguar në morg ku do t’i nënshtrohet autopsisë.
