Casio ka ndërtuar një kamera të re 360 gradë EX-FR200 me një dizajn unik i ndërtuar nga dy sensorë që kontrollojnë dy njësi lente të ndara nga njëra-tjetra. Kamera është rezistente ndaj ujit, temperaturave shume të ulëta dhe goditjeve jo shumë të forta.
Trupi i kamerës ngjan pak me një smartphone me ekranin e saj të madh LCD. Çfarë e bën të veçantë atë është se njësitë e lenteve nuk duhet domosdoshmërish të jenë të lidhura me trupin e pajisjes, ato mund të vendosen kudo dhe kontrollohen me Wi-Fi dhe Bluetooth.
Në përdorim mund të ndizni vetëm një nga njësitë për pamje 180 gradë osë të dyja për pamjen e plotë. Në opsionin dy-lente, njësitë mund të lidhen me një pajisje tjetër ndihmëse e dizenjuar që ti mbajë ato në shpinë të njëra-tjetrës duke mundësuar pamje 360 gradë.
EX-FR200 do të dalë në shitje në Japoni në mes të Shtatorit dhe kompania ka planifikuar të prodhojë 5000 njësi prodhimi në muaj.