Një tjetër aksident i rëndë, me pasojë 3 të vdekur dhe një të plagosur, ka ndodhur ditën e sotme në Bulqizë.
Policia e Dibrës ka publikuar detaje nga aksidenti duke bërë të ditur se makina tip “Opel Astra”, me targa AA791 JY, ka dalë nga rruga dhe ka rënë në humnerë në hyrje të fshatit Trebisht. Në automjet ndodheshin 4 person, ku tre prej tyre kanë ndërruar jetë menjëherë, ndërsa një tjetër ndodhet në spital në gjendje të rëndë.
Bëhet e ditur se viktimat janë shtetasit: Azem Karabrahimi 21 vjeç, banues në fshatin Ostren; Elena Bajrami 32 vjeçe, banuese në fshatin Tuçep; si dhe Musa Nuredini rreth 35 vjeç.
Personi i plagosur është Gentian Sula 27 vjeç, i cili është duke marrë ndihmën mjekësore në spitalin e Dibrës së Madhe në Maqedoni.
Shkaqet e aksidentit janë ende të paqarta.
