Një tjetër sinjal afrimi mes PD-së dhe LSI-së. Kreu i opozitës, Lulzim Basha si dhe kreu i LSI-së Ilir Meta janë takuar sot për më shumë se 30 minuta në aeroportin e Rinasit. Dy liderët kanë konsumuar një bisedë në terminalin VIP, por takimi është ‘dekonspiruar’ nga dëshmitarë.
Pas takimit që mësohet se ka qenë shumë dashamirë, Basha dhe Meta janë nisur për në Vjenë ku do të kenë disa takime. Nuk dihet nëse ky takim ‘i rastësishëm’ dhe ky udhëtim ka lidhje me 7 ligjet e reformës në drejtësi apo me kërkesën e fundit të Bashës për qeveri teknike.
Takimi mes tyre vjen një ditë pas refuzimit nga ana e Metës të qeverisë teknike dhe ftesës së Bashës për një koalicion për zgjedhje të lira dhe të ndershme. Nga ana tjetër, zyrtarisht as PD dhe as LSI nuk kanë informacion për këtë takim.
