Temperaturat e larta mesa duket kanë bërë që efektivët e policisë të braktisin detyrën dhe të fshihen hijeve në kryeqytet, duke e lënë trafikun rrugor në hallin e vet.
Kanë mjaftuar vetëm pak momente që qarkullimi i automjeteve tek sheshi Shqiponja të bllokohej totalisht për shkak të një aksidenti pranë mbikalimit të Kamzës.
Por edhe pse radha e automjeteve ka ardhur duke u rritur sërish forcat e policisë nuk janë shfaqur për të marrë masat për largimin e automjeteti të aksidentuar dhe për lehtësimin e qarkullimit.
Të lodhur nga pritja e gjatë kanë qenë vetë të interesuarit, pra shoferët, ata që kanë gjetur edhe një zgjidhje për hallin e tyre, duke larguar automjetin e aksidentuar në mënyrë që të vijohej qarkullimi normal i automjeteve.
