Një e treta e popullsisë daneze besojnë se vendi i tyre është në luftë me Islamin, sipas një sondazhi të ri.
Anketimi pyeti 1.045 të rritur nese pajtohen apo jo me deklaratën:Danimarka, së bashku me pjesën tjetër të botës perëndimore, është në luftë me fenë islame dhe jo vetëm me myslimanët radikalë.
Tridhjetë e tre për qind e tyre ranë dakord, ndërsa më shumë se 56 për qind nuk u pajtuan, dhe 11 për qind thanë se nuk e dinë.
Një ekspert i Islamit në Universitetin e Kopenhagenit, tha që rezultati ishte “shqetësues”, transmeton KosovaPress.
“Është një mendim provokues që ne kemi arritur në një pikë ku mënyra se si flasim për njëri-tjetrin, ka sjellë që një e treta e popullatës së vendit beson se ne jemi në luftë me Islamin”, tha Jørgen Bæk Simonsen për TV2.
Studimi tregoi se shumica e njerëzve që u pajtuan me këtë qëndrim ishin mbi moshën 70-vjeçare dhe kishin vetëm nivelin arsimor të mesëm.
