Shqiptari Altin Tola, 51 vjeç nga qyteti i Durrësit i cili kërkohej që prej vitit 2012 nga drejtwsia italiane e shqiptare është arrestuar ditën e sotme në Itali.
Tola ishte i dënuar me 20 vite 2 15 ditë burg me akuzën e pjesëmarrjes në aktivitet mafioz, trafik ndërkombëtar armësh, prodhim e trafikim lëndësh narkotike e krime të ndryshme të kryera në qytetin e Milanos dhe në Tiranë.
Në momentin e ndalimit nga policia italiane në qytetin e Imperias, Altin Tola ishte fshehur në një nga banjot e lokalit, ku po ushtrohej kontroll i forcave të rendit duke deklaruar identitet të rremë.
Në banesën ku jetonte shqiptari Policia italiane ka gjetur pasaportën e babait të tij, fakt që ka çuar në zbulimin e identitetit të vërtetë të shqiptarit.
Policia italiane informon se po heton mbi personat që kanë ndihmuar në strehimin e fshehjen që prej 2012 të shqiptarit të dënuar me mbi 20 vjet burg.
