Ambasadori Amerikan Donald Lu është investuar edhe personalisht për të finalizuar reformën në drejtësi. Kështu, ai ka zhvilluar takime të ndara me deputetë të opozitës për të marrë sigurinë prej tyre se do të votojnë reformën në drejtësi. Nëpërmjet një mesazhi të dërguar në telefonat e disa prej deputetëve të opozitës, Lu kërkon takim urgjent me ta, për t’i bërë të ditur pasojat gjithsecilit nëse nuk votojnë reformën në drejtësi.
Më poshtë mesazhi i dërguar me celular në drejtim të deputetëve:
“I nderuar zoti…..Ne ju presim nesër në selinë e ambasadës deri në ora 12 00 për t i’u informuar për pasojat që do të keni nëse nuk votoni pro reformës në drejtësi. Duke ju falenderuar për bashkëpunimin……”
Kujtojmë që ambasadori amerikan Donald Lu ka zhvilluar takime individuale me deputetët Eduard Selami, Majlinda Bregu, Astrit Patozi, Astrit Veliaj, Agron Duka dhe të tjerë.
