Ministri i Drejtësisë, Ylli Manjani, gjatë zhvillimit të seancës së komisionit të sigurisë ka propozuar disa ndryshime në kodin penal.
Këto ndryshime kanë për qëllim zbutjen e disa neneve, dhe këtë e shpjegon vetë ministri Manjani.
Ai tha se është absurditet të dënohesh për armëmbajtje njësoj si për terrorizem.
“Gjykata Kushteturse na dha mundësi të shqyrtojmë ligjin me propocionalitet. Vepra penale e armëmbajtjes pa leje ka një vakum në Kodin Penal neni 278. Kemi pasur konsulencë me gjyqtarë penaliste dhe nga ekspertë të Ministrisë së Mbrojtjes.
Gjykata Kushtetuese është shprehur për shfuqizimin e nenit 55 për bashkim matematik të dënimeve. Tani aplikohet dënimi më i rëndë i marrë, jo ai matematik. Neni 279 ka ndryshuar, për të vendosur dënimin penal në kushte më logjike”,¬ argumentoi Manjani.
Ndërsa Luan Rama i LSI-¬së tha se kjo është ndërhyrja e 17 që i bëhet këtij ligji në 3 vjet të koalicionit.
“Kjo tregon mungese serioziteti dhe vizioni, është ndërhyrja e 17 në Kodin Penal. Është shkelur parimi i propocionalitetit. Edhe dënimi për kasat
fiskale dhe faturat e energjisë janë kundër këtij parimi. Mendoj se do ishte më mirë që Kodi Penal të bëhej nga e para”, tha ai.
