Dhjetë ditë para se në Kuvend të votohet për reformën në drejtësi, SHBA-të bëjnë një përpjekje direkte për të bindur klasën politike shqiptare për të mbështetur ndryshimet kushtetuese.
Në Tiranë, të dielën mbërrin ndihmës/sekretarja amerikane e shtetit Viktoria Nuland, një në axhendë të ngjeshur takimesh me një dosje diplomatike të përcaktuar, reformën në drejtësi.
Nuland mbërrin në kryeqytet në mesditë dhe nis në orën 14:30 takimet me Ministrin e Jashtëm të Shqipërisë, Ditmir Bushati.
Rreth 60 minuta më vonë Nuland do të takojë kreun e opozitës shqiptare, Lulzim Basha, me të cilin Nuland ka pasur ne 3 qershor edhe një bisedë telefonike, që i parapriu takimit mes tij dhe Kryeministrit.
Sikurse në vizitën e sekretarit John Kerry, edhe Nuland do të ketë një takim me gazetarë dhe përfaqësues të shoqërisë civile, në orën 16:00.
”Axhenda e ndihmës/Sekretares Amerikane të Shtetit Viktoria Nuland, mbyllet me një darkë pune me kryeministrin Edi Rama.
Nuk dihet arsyeja përse Nuland nuk do të ketë një takim me kryeparlamentarin Ilir Meta i cili është edhe kryetari i LSI, forcë politike qëndrore që vendos edhe për të ardhmen e reformës në drejtësi.
