Pak kohë pasi ekspertja shqiptare në OKB, Blerina Zoto u ankua se as Ministria e Jashtme dhe as e ajo e Mirëqenies Sociale nuk i jepnin rrogë prej disa kohësh, si dhe i kishin ndërprerë pagesën për qiranë në Gjenevë, Ministri i Mirëqënies Sociale dhe Rinisë, Blendi Klosi e ka shkarkuar sot nga detyra.
Për këtë, ajo u detyrua të vinte në Tiranë për të takuar ministrat Bushati dhe Klosi, por nuk takoi asnjërin prej tyre. As në ambasadorja jonë në Gjenevë nuk e priti, e pas kësaj ekspertja Blerina Zoto e bëri çështjen publike.
Në shkresën e Klosit, të siguruar nga Panorama, ministri argumenton se Zoto nuk e ka përmbushur qëllimin dhe misionin, pasi gjatë gjithë periudhës 1 – vjeçare, ajo nuk ka paraqitur asnjë raport.