Blerina Zoto, këshilltarja jonë në Misionin Diplomatik pranë OKB në Gjenevë, tashmë e shkarkuar nga ministri Kosi ka folur për gjithçka ndodh në misionin diplomatik, që drejtohet nga Filloreta Kodra, ish nënkryetare e LSI. Pas zënkave të vazhdueshme me Filloreta Kodrën, Blerina Zoto ka denoncuar një sërë ndodhish që dëshmojnë si keqpërdoren paratë e taksapaguesve në ambasadë.
Në shkrimin e saj me titull “Diplomacia shqiptare në OKB/Gjenevë, lënë në duart e Filloreta Kodrës dhe Dorina Xhixhos, po nxin faqen e Shqipërisë në OKB dhe po dhunon, deningron dhe përdhos punonjës profesionistë dhe të ndërgjegjshëm në shërbimin diplomatik shqiptar,” paraqet situatën e shërbimit diplomatik në Gjenevë.
“Ambasadorja e Misionit, Filloreta Kodra, nuk disponon mjetin e parë të diplomacisë, që është arti i komunikimit dhe sjelljes. Format e saj të sjelljes janë të tipit, po ju citoj dhe gjithmonë mes britmash dhe ulërimash,: “Dil jashtë nga zyra imë, jam unë shefe këtu, shporru dhe nuk do të komunikosh më me gojë me mua por vetëm me shkrim, unë të zhduk ty që këtu dhe të tjera që kam 16 muaj që dëgjoj ditë pas dite.
Sjellje preferenciale dhe shpërdorim të ambientit të punës. E preferuara e ambasadores së Misionit dhe mentore e saj është Dorina Xhixho, e cila nuk ka orar në punë. Dita e saj fillon afër drekës, vazhdimi është në varësi të dëshirave të saj. sjellja preferenciale është e dukshme dhe për cilindo që mund të vijë dhe të vizitojë Misionin për pak kohë, orë ndoshta.
Dueti Kodra-Xhixho janë gjithë ditën sëbashku. Dmth në Mision Shqipëria ka dy ambsadore.
Zyra e ambasadores së Misionit, orëve të pasdites kthehet në një kafene tymnajë nga duhani që konsumojnë, ndërsa punonjësit e tjerë punojnë me dhe pa orë. Personalisht, por edhe kolegët, qëndrojmë deri në orët e vona të darkës shpesh edhe në fundjavë.
Verën e vitit 2015, ambasadorja kodra cakton dhe paguan si financiar të Misionit, bashkëshortin e saj Astrit Kodra, pensionistt, shkelje flagrante e ligjit dhe rreullit, shkelje që u faktua dhe nga MPJ dhe bashkëshorti i saj u largua nga ai pozicion, por për disa muaj, familja Kodra menaxhonte dhe firmoste vetë financat e Misionit të Shqipërisë në OKB.
Dorina Xhixho që nuk është diplomate, ka 7 vjet në të; njëkohësisht, shtetase zvicerane, makinën e saj private e ka kaluar automjet me targa diplomatike, me firmën e Kodrës, kundër të gjitha ligjeve dhe rregullave.
Kur shkova në punë në Misionin, shefja e Misionit urdhëroi të mos vendosem ën zyrë me kolegët diplomat, port ë më pozicionojë në korridor në fillim të sallës së madhe të pritjes ku sajoi një tavolinë pune. Për këtë improvizim, nga fondi i MMSR pa pyetur, jashtë çdo rregulli për përdorimin e zërit investime, përdori 5 mijë franga për të blerë një tavolinë-dollap pune ku do të vendosja kompjuterin. Kjo mobilie e thjeshtë pune, mes ofertave të mbledhura nëpër biznese e Gjenevës nga Dorina Xhixhi, kushtoi as më pak dhe as më shumë 5000 franga zviceran ose 4600 euro ose 6.5 mln lekë të vjetër, sa nëj makinë. Nuk besoj se tavolina e punës së ministrit tim kushton më shumë”/ Panorama
