Gjykata e Krujës nisi sot dhënien e masave për 5 personat e arrestuar në lidhje me grabitjen në aeroportin “Nënë Tereza”.
Për punonjësin e policisë private “Nezeri 2000”, Kujtim Picari është dhënë masa e sigurisë arrest me burg.
Ndërkohë që për Arben Karafili, Drejtor Operacional i kompanisë “ICTS, Bledar Blloshi agjent i kompanisë “ICTS” (patrullë) dhe Fadil Jonuzaj agjent i kompanisë “ICTS” (patrullë) ka patur një shtyrje të gjyqit, pasi gjyqtarja Enkelejda Hoxha ka hequr dorë, sepse ka një konflikt interesi me avokatin që mbron të pandehurit, për një gjyq civil.
Për ta do të caktohet një tjetër gjyqtar dhe gjyqi të zhvillohet brenda ditës së sotme, sipas ligjit.
Në pritje të masës është Vangjel Nikolla, kryetar i Degës Teknike të Aeroportit.
