Bashkimi Europian po mendon të ‘dënojë’ shtetet anëtare që kanë shkelur rregullat e stabilitetit evropian, një lajm ky shumë i hidhur për Portugalinë dhe Spanjën që nuk kanë përmbushur detyrimet buxhetore të përcaktuara për 2015.
Komisioneri evropian gjerman, Günther Oettinger ka qënë zyrtari që ka konfirmuar këtë masë duke u shprehur pro sanksioneve kundër Spanjës dhe Portugalisë për shkak të devijimit buxhetor -shkruan ‘Bild’.
“Duke marrë në konsideratë këtë situatë kur ne parashtrojmë rregulla të përbashkëta, ato duhet të respektohen në mënyrë rigoroze”, argumentoi Komisioneri Europian.
“Në vitin 2015 të dy shtetet nuk kanë mundur të përmbushin detyrimet buxhetore që ato vetë i kishin përcaktuar. Unë besoj se nëse Komisioni do të ruajë besueshmërinë në lidhje me respektimin e rregullave buxhetore, ne duhet të ndërmarrim sanksione kundër Spanjës dhe Portugalisë”, deklaroi për gazetën Oettinger, një anëtar fanatik Konservator.
