Kryeiministri Rama duket se ka vendosur të shesë Bilal Shehun, i cili ka pranuar pas hetimit se nuk kishte të ardhura për të paguar dy ftesat 80 mijë dollaë, ftesa të përdorura nga ai dhe shoqëruesi Edi Rama. Rojter njoftonte dje se Obama ka refuzuar ti ketë në darkë Bilal Shehun me shoqëruesen (Edi Rama), por ka pranuar të bëjë një foto me këtë të fundit në fund të darkës.
Gjithashtu mediat amerikane dje njoftonin se Bilal Shehu ka pranuar që pagesa është bërë nga shoqëruesja (Edi Rama), dhe avokati i zotit Shehu thotë se klienti i tij është penduar shumë për donacionin antiligjor. Po kryeministri Edi Rama a ësht penduar dhe pse po e ‘shet’ ‘Zotërinë e tij’ në takimin e shumë përfolur Bilal Shehu? Kush po gënjën, Bilali apo Rama?
Reagimi zyrtar i kryeministrisë
Duke shprehur keqardhjen për manipulimin mediatik dhe propagandën e baltës lidhur me një foto të vitit 2012 me Presidentin Obama, Kryeministri Edi Rama, sqaron se ai as nuk ka marrë pjesë në ndonjë organizim elektoral të Presidentit Obama dhe as nuk ka kryer ndonjë pagesë, për të marrë pjesë në një organizim të kësaj natyre. Sepse ligji amerikan ndalon përfshirjen e çfarëdolloji të shtetasve të huaj në fushatë në Shtetet e Bashkuara.
Bilal Shehu që sot po gjykohet në SHBA për çështjen në fjalë është pjesëtar i komunitetit shqiptar në New York dhe është takuar me delegacionin tonë në SHBA në vitin 2012. Por në mënyrë kategorike nuk ka patur asnjë lloj veprimi financiar nga ana e Edi Ramës për të realizuar fotografinë e takimit me Presidentin Obama.
Ndërkohë që duke përfituar edhe nga ky rast, kryeministri i bën thirrje edhe njëherë Lulëzim Bashës të fokusohet tek reforma ne drejtësi dhe respektin e tij për drejtësinë në Shtetet e Bashkuara, ta tregojë duke mbështetur projektin kushtetues te Reformës në Drejtësi qe është hartuar me kontributin e çmuar të Shteteve te Bashkuara dhe Bashkimit Europian.
Edi Rama nuk ka frikë nga drejtësia, nuk ka frikë nga Operacioni Ndërkombëtar i Monitorimit të drejtësisë, nuk ka frikë nga pavarësia e anëtareve që do të bëjnë vetingun e gjykatësve e prokuroreve, po Lulëzim Basha me Sali Berishën pse i tremben faktit që ata që do te gjykojnë prokuroret dhe gjykatësit, do te përzgjidhen nga SHBA e BE?!
Është koha e të vërtetës për krimet, akuzat, gënjeshtrat dhe të vërteten mund ta thotë vetëm një drejtësi e çliruar nga kthetrat e vendeve të rezervuara të partive në sistem.
Edi Rama dhe shumica janë gati te heqin duart e partive nga sistemi, po Lulëzimi, Saliu dhe Partia Demokratike pse nuk janë gati?!
