A mos vallë kjo është policia që duam?! Mos vallë për këtë kanë nevojë shqiptarët?! Një tjetër denoncim për uniformat blu. Një video e publikuar në facebook, flet sërish kundër policisë.
Në të shfaqet një djalë i ri i rrethuar nga disa policë, ndërsa një tjetër pak më tutje, që duket edhe më i madh në moshë dhe në detyrë e kërcënon me jetë. E me sa duket ky reagim ka ardhur pasi i riu ka sharë policinë.
“Të q.. robt! Ti shan policinë, ti shan policinë?! Unë të fus plumbin ore”, dëgjohet duke thënë polici.
Edhe në rastin se i riu që mohon se e ka sharë policinë, mund ta ketë bërë një gjë të tillë, është e pakonceptueshme se kush ja jep të drejtën policisë t’i fusë plumbin qytetarit?!
Po sot, një tjetër qytetar, biznesmen denoncoi dhunën e policisë, të cilën e quajti “banda e Arturo Ui-së”.
