Xherdan Shaqiri e ka përfunduar aventurën e tij në Kampionatin Evropian me Zvicrën.
Ylli kosovar i Përfaqësueses së Zvicrës ka shënuar një super gol ndaj Polonisë por në penallti humbën helvetët 5:4.
Rrugës për në Zvicër, Shaqiri ka shkruar në profilin e tij në Facebook një mesazh për gjithë tifozët.
“Faleminderit, familjeve tona, miqve dhe tifozëve nga Zvicra, Kosova dhe mbarë bota për mbështetjen e mrekullueshme gjatë Evropianit”, shkroi ylli nga Gjilani në faqen e tij zyrtare në Facebook.
Goli i Xherdanit ndaj Polonisë shihet si ndër më të mirët të shënuar në kampionate evropiane, shkruan telegrafi.
Djaloshi nga Zhegra e Gjilanit pritet që gjatë verës të kalojë disa ditë pushimi edhe në vendlindjen e tij.
