Një studim i fundit ka treguar se një filxhan kakao e pasur me sasi shtesë të antioksiduesve mund ta përmirësojë funksionimin e enëve të gjakut te personat me diabet.
Sipas studimit, konsumimi ditor i kakaos, e cila përmban sasi të madhe të antioksiduesit flavanol, mund ta kthejë funksionin normal të enëve të gjakut për vetëm një muaj. Flavanolet janë antioksidues të pranishëm në disa fruta dhe perime, çajin e gjelbër dhe verë, ndërsa shkencëtarët besojnë se ndikimi i tyre në sistemit vaskular bazohet në lidhjen e tyre me oksidin e azotit, lidhje kimike e cila është e rëndësishme për zgjerimin dhe ngushtimin e enëve të gjakut.
