Ata kanë një rol të rëndësishëm dhe për këtë arsye duhet të zgjidhen me kujdes: Janë shoqërueset e nuses!
Ata zgjidhen në mënyrë tipike në rrethin e anëtarëve të familjes apo miqve të ngushtë dhe pothuajse gjithmonë kanë qenë pjesë e historisë së çiftit, që nga fillimi i saj.
Por këto janë 5 gjëra që nuk duhet kurrë t’ja kërkoni shoqërueses së nuses ose shoqëruesve të dhëndrit.
Fatura shumë të shtrenjta. Dëshmitarët dhe shoqerueset e dasmës, duke pasur parasysh rolin e rëndësishëm, kërkohet prej tyre që t’i bëjnë nuses dhe dhëndrit një dhuratë të veçantë. Disa, për shembull, ofrohen për të blerë unazat. Një ide e bukur sigurisht, për sa kohë që nusja nuk zgjedh unaza shumë të shtrenjta që mund të vënë në siklet dëshmitarët. Ndaj kujdes!
Të organizojnë dasmën. Kemi thënë se dëshmitarët dhe shoqerueset e nuses kanë për detyrë të organizojnë edhe festën e beqarisë. Por nusja s’duhet të bëjë kurrë gabimin që shoqërueset t’i organizojnë edhe dasmën.
Fjalimi. Zakonisht dëshmitarët dhe shoqërueset kanë përgjegjësi për të mbajtur një fjalim gjatë ceremonisë, ose në fund të pritjes. Kjo gjë është mirë të ndodhë spontanisht nëse ata e ndjejnë. Në të kundërt më mirë të shmanget, sepse do të reflektojë lodhje dhe pak fjalë të sinqerta.
Të bëjnë fotografi. Nëse jeni të zgjedhur si shoqëruese të nuses, të bëni fotografi është gjëja më mizore që mund t’ju kërkohet. Më mirë merrni një fotograf!
Specifikime shumë strikte sa i përket pamjes së jashtme. Një rregull i artë është që veshja e shoqërueseve të jetë në përputhje me atë të çiftit, megjithatë, nuk duhet ta teproni me pretendimet. Një nuse ndoshta mund të japë indikacione mbi nuancat e ngjyrës që duhen ndjekur, por në asnjë mënyrë nuk duhet të detyrojë shoqerueset të vishen si ajo dëshiron. Sugjerime po, por detyrime jo!
Burimi: DireDonna
