Dy anjiet e zhdukura në Durrës janë lokalizuar. Njëra është gjetur në Shëngjin ndërsa tjera është lokalizuar në ujrat ndërkombëtarë.
Lajmin e ka dhënë kapiteneria, pas një telefonate me një nga pjesëtarët e ekuipazhit të saj. Mësohet se ka qenë një egjiptian që ka telefonuar kapitenerinë dhe ka njoftuar se anija ndodhet në ujërat ndërkombëtare.
Ndërsa anija tjetër “Qamili” është gjetur pranë Shëngjinit. Raportohet se kjo anije ka pasur probleme me sinjalin e radios që në nisje.
Burimet nga Porti i Durrësit bëjnë me dije se anijet me emrat ‘Çelepia’ dhe ‘Qamili’ janë të flotës së peshkimit të Durrësit. Ato kanë qenë me ekuipazh të plotë me nga 3¬4 persona brenda. Kapiteneria thotë se që prej pasdites së djeshme anijet nuk kanë pasur më asnjë komunikim me radio me autoritetet portuale. Teksa ka folur për mediat, Lulzim Mema, babai i Luan Memës, motorist i anijes “Celepia”, tha: “Kanë pesë ditë që anijet kanë dalë në det. I bëj thirrje shtetit të gjejë anijet, jemi të shqetësuar”.
