Prokuroria e Tiranës kërkon nga gjykata që të vendosë në arrest me burg Anjeza Shabanin, administratoren e kopshtit “Diren” në Sauk, e cila u shfaq në një video duke dhunuar një fëmijë tre vjeç.
“Boldnews”.al ka konfirmuar se kërkesa e Prokurorisë së Tiranës sapo është depozituar në sekretarinë e gjykatës dhe ndaj Shabanit ekzistojnë dyshimet se ka konsumuar veprat penale të “Keqtrajtimit të të miturve” dhe ‘Shpërdorimit të detyrës”.
Anjeza Shabani u arrestua mbrëmjen e së hënës, menjëherë pasi në emisionin “Stop” të TV Klan u publikuan pamjet ku ajo rrihte një fëmijë 3 vjeç në ambjentet e kopshtit privat në pronësi të saj.
Pamjet ishin tronditëse dhe shkaktuar menjëherë reagimin e opinionit publik. Pas transmetimit të pamjeve, Policia dhe Prokuroria e Tiranës u vunë menjëherë në lëvizje, duke e gjetur dhe arrestuar Anjeza Shabanin.
