Dy anije peshkimi në Durrës janë zhdukur në det të hapur.
Ato kanë humbur kontaktet me Kapitenerinë që prej pasdites së djeshme. Burimet nga Porti i Durrësit bëjnë me dije se anijet me emrat ‘Çelepia’ dhe ‘Qamili’ janë të flotës së peshkimit të Durrësit.
Ato kanë qenë me ekuipazh të plotë me nga 3 – 4 persona brenda. Kapiteneria thotë se që prej pasdites së djeshme anijet nuk kanë pasur më asnjë komunikim me radio me autoritetet portuale.
Mësohet se kanë nisur kërkimet, por ende nuk ka asnjë sinjal prej dy anijeve të peshkimit.
