DETAJE/ Peshkarexha e zhdukur nga Durrësi dyshohet se është marrë peng

Detaje të reja janë bërë publike sa i përket zhdukjes së njërës prej peshkarexhave që u zhdukën nga Durrësi.

Njëra prej tyre është lokalizuar dhe ndodhet në hapësirën ujore shqiptare, kurse situata problematike shfaqet me peshkarexhën e dytë, “Çelepia”.

Dyshimet e deritanishme janë se kjo peshkarexhë është marrë peng. Autoritetet kanë mundur ta lokalizojnë. Ajo ndodhet në ujërat ndërkombëtare pranë brigjeve të Egjiptit.

Mendohet se anija e peshkimit po mbahet peng nga një marinar egjiptian që ndodhet në bord, i cili është i punësuar në atë peshkarexhë.

LEXO EDHE  Ligji për Arsimin e Lartë/ 68.5% të studentëve e shohin si burim i problemeve

Shkak dyshohet se është borxhi që pronari i peshkarexhës i ka marinarit egjiptian Muhamet Salam.

Ndërkohë, peshkarexha tjetër që kishte humbur komunikimin me Kapitenerinë e Durrësit është lokalizuar dhe vazhdon peshkimin. I gjithë ekuipazhi është në gjendje të mirë dhe nuk ka lidhje me situatën në peshkarexhën ‘Çelepia’. Kjo e fundit ka shkëputur komunikimin me radio prej 5 ditësh.

PËRGJIGJU

Please enter your comment!
Please enter your name here