Varësitë, sidomos në raportet sentimentale, janë gjithmonë të dëmshme sepse sepse fshehin mekanizma të “të dhënit dhe të marrit” që të bëjnë të vuash. Në një dashuri të shëndetshme këto mekanizma duhet të jenë në harmoni perfekte, përndryshe nuk mund të flitet për dashuri të vërtet.
Cilat janë komponentët e një dashurie të shëndetshme?
Një dashuri e shëndetshme është një dashuri ku të dy nga komponentët japin aq sa marrin. Ky është çelësi në çdo marrëdhënie. E kur peshorja shkon në njërën anë gjithmonë, atëherë ka diçka që nuk shkon. Padyshim që në faza të jetës njëri partner mund të ketë nevojë më shumë të marrë se sa të japë, por ky duhet të jetë përjashtim nga rregulli e jo vetë rregulli.
Mjaft varësisë nga kush ju lëndon. Mjaft duke pritur, koha “fluturon” dhe po humbet vite lumturie!
Mjaft justifikove mungesat e tij, nëse një person ju lë pas dore do të thotë se do ta bëjë gjithmonë këtë. Mjaft shpresove në një ndryshim, sepse në fund kush do të ndryshojë, e madje për keq, je vetë TI!
Çfarë ndodh nëse nuk ndërhyni?
Do të ndryshoni negativisht, sepse do të bëheni shumë tolerante, edhe kur dikush ju bën një padrejtësi, do të nisni të mësoheni me ato pak momente që partneri ju dedikon, nuk do të keni më pretendime, nga frika se do ta humbisni partnerin.
Derisa një ditë, sepse herët a vonë njeriu lodhet së vuajturi, do të nisni ta shihni historinë tuaj për atë që në të vërteta është dhe ka qenë: Një dashuri e njëanshme sepse ajo që ka dhënë ke qenë TI dhe vetëm TI, gjithmonë!
Ndaj të kthehesh pas nuk është e thjeshtë, siç nuk është e thjeshtë as të shërosh!
Keni kaluar vite me bindjen se nuk jeni e mjaftueshme për të, e jeni mësuar të ndiheni të tilla. Ndaj, sa jeni në kohë: Mjaft varësisë ndaj tij! Tani, në këtë moment!
Si duhet vepruar
Hapni sytë dhe shihni personin që keni përballë në një tjetër mënyrë. Nëse ai person ju respekton dhe ju bën të lumtur atëherë luftoni për historinë tuaj. Por nëse ai person është shkaku i trishtimit tënd atëherë është koha ta largosh nga jeta jote. Për veten tuaj, sepse e dini se meritoni më tepër.
Varësitë nuk bëjnë asnjëherë mirë, sepse përfundojnë gjithmonë në mënyrën më të keqe. Zgjohuni pasi të jetë një tjetër ditë që lodhet me ju.
Do të jeni vetëm dhe të trishtuara dhe të ngjisni copëzat e zemrës tënde do të jetë akoma edhe më e vështirë.
Si ta kuptoni që keni krijuar varësi sentimentale nga një person?
Shumë e thjeshtë. Ka simptoma që të ndihmojnë të kuptosh.
Luhatje humori. Nëse humori juaj varet shumë shpesh nga personi që keni në krah, atëherë ka një problem. Nëse jeni të lumtura kur ju telefonon dhe të trishtuara kur ju vë në plan të dytë, e nëse kjo ndodh shumë shpesh atëherë kë krijuar varësi.
Mungesa. Kur tjetri nuk është, e ju ndiheni të vetmuara dhe të depresionuara, atëherë ka një problem. Nëse ta imagjinoni ditën ose jetën pa atë person ju zhyt në ankth atëherë këtu ka diçka që nuk shkon.
Të paafta të kontrolloni sjelljen tuaj. Nëse shpesh kur bëhet fjalë për atë person keni zemërim dhe ndjesi faji, atëherë ka varësi. Nëse kur je me të sillesh sikur nuk ekziston askush dhe asgjë rreth teje, madje edhe kur ju lëndon, atëherë kjo është diçka shumë e gabuar, është varësi!
Shpesh varësitë i kanë rrënjët që në fëmijërinë tonë. Njerëzit që varen nga të tjerët shumë shpesh janë rritur nga prindër që s’u kanë dhënë mjaftueshëm dashuri. Ndaj ndihma e një terapisti mund të ju ndihmojë ta zgjidhni këtë problem!
Burimi: Donne.co
