Këshilltari demokrat në bashkinë e Tiranës, Fabian Topollaj një nga të rinjtë e PD-së ka kërcënuar sot nëpërmjet një statusi në facebook kryeministrin Edi Rama pas ngjarjes që ndodhi në Kavajë.
Topollaj shkruante në facebook:
“Njerëz të Elvis Rroshit plagosin kreun e FRPD Kavajë. Kjo shpjegon gjithçka, dhe simbiozën e Ramës me krimin në qeverisje dhe nevojën e tij që siç ndodhi dje me vendimin për Rroshin, ta këtë Gjykatën nën thundër në mënyrë që ajo të legalizojë këtë simbiozë. Vija e kuqe është shkelur, Edi Rama do e paguash me kokë këtë që bërë sot.”
Por pak minuta më pas, (me sa duket dikush i ka thënë për gafën) ai e ka modifikuar statusin e tij duke shkruar: “Njerëz të Elvis Rroshit plagosin kreun e FRPD Kavajë, autori i krimit, drejtor i zyrës së punë Kavajë, largohet nga vendi i ngjarjes me makinën dhe nën shoqërinë e kreut të PS Kavajë. Kjo shpjegon gjithçka, dhe simbiozën e Ramës me krimin në qeverisje dhe nevojen e tij që siç ndodhi dje me vendimin për Rroshin, ta ketë Gjykatën nën thundër në mënyrë që ajo të legalizojë këtë simbiozë. Vija e kuqe është shkelur, Edi Rama do e paguash shtrenjtë këtë që bërë sot.”
Supozohet që këta të rinj të jenë e ardhmja e PD-së dhe pse jo edhe e drejtuesve të vendit. Por me këtë frymë PD ndoshta e ka rezervuar edhe për më gjatë vendin në opozitë.
