Italia ka mposhtur 1-0 Suedinë dhe ka thyer një traditë që zgjaste prej 16 vitesh. Në fakt, “axurrët” nuk fitonin ndeshjen e dytë të fazës me grupe të një Europiani që nga viti 2000 (5 barazime, 2 humbje). Italianët, pas fitores së marrë në ndeshjen e parë kundër Belgjikës, kanë menduar më shumë të mbrohen dhe të godasin me kundërsulm, një skemë kjo që ka dhënë përsëri rezultat me sulmuesin e Inter, Eder, që ka ndëshkuar suedezët dhe i ka dhuruar kualifikimin Italisë.
Pjesa e parë ka qenë e ekuilibruar me Suedinë që ka qenë pak më agresive duke parë se suedezët janë paraqitur në këtë sfidë me vetëm 1 pikë të marrë pas ndeshjes së luajtur kundër Irlandës 13 qershorin e kaluar. “Axurrët”, gjithsesi, janë mbrojtur mirë dhe kanë arritur të neutralizojnë rrezikun numër një të suedezëve, Zlatan Ibrahimovic.
Rastet kanë munguar nga të dyja palët dhe 45 minutat e para janë mbyllur në barazim pa gola. Antonio Conte i jep direktivat ekipit Ritmi ka qenë i ngjashëm edhe në pjesën e dytë, me Suedinë që ka pasur vështirësi të çajë murin e ngritur nga mbrojtja “axurre”. Në minutën e 62-të italianët kanë dalë në një kundërsulm të shpejtë me Parolo-n, por ky i fundit ka vonuar pasimin për të Giaçherini, i cili është ndalur nga mbrojtja verdheblu para se të godiste portën.
Në minutën e 72-të Ibrahimovic ka dërguar topin jashtë një metër larg portës së boshatisur, por arbitri ka ndalur gjithçka për një pozicion jashtë loje të gjigantit suedez. Në 15 minutat e fundit Italia ka marrë kontrollin e lojës dhe ka shtuar sulmet drejt portës së mbrojtur nga Isaksson. Në një nga këto sulme ka ardhur edhe rasti më i pastër për lojtarët e Conte-s që kanë goditur traversën pas një goditje me kokë të Parolo-s.
Dy minuta para fundit ka ardhur edhe momenti që ka vendosur takimin. Eder ka marrë një top nga Zaza dhe, pasi ka shmangur tre mbrojtës të Suedisë ka goditur saktë me të djathtën duke mposhtur Isaksson, i cili nuk ka pasur mundësi të bëjë asgjë. Një minutë më vonë Candreva ka shkuar afër golit të dytë, por këtë herë portieri suedez ka qenë i vëmendshëm. Në fund ka fituar cinizmi i “axurrëve”, të cilët kanë siguruar kalimin në 1/8-at ndërsa Ibrahimovic me shokë, të cilët kanë kërkuar më kot një penallti në sekondat e fundit, mbeten në kuotën e 1 pikë pas dy ndeshjeve të luajtura në Grupin E.
Itali-Suedi 1-0 Shënues: Eder 88′
Italia: Buffon, Barzagli, Bonucci, Chiellini, Candreva, Parolo, De Rossi (Thiago Motta 74’), Giaccherini, Florenzi (Sturaro85’), Pelle (Zaza 60’), Eder. Trajner: Conte.
Suedi: Isaksson, Johansson, Lindelof, Granqvist, Olsson, Larsson, Ekdal (Lewciki 79’), Kallstrom, Forsberg (Durmaz 79’), Guidetti (Berg 85’), Ibrahimovic. Trajner: Hamren.
Gjyqtar: Kassai Kartonë të verdhë: De Rossi, Buffon/Mart
