Drafti me ndryshimet kushtetuese për reformën në drejtësi, sot u është shpërndarë deputetëve dhe nesër mblidhet komisioni i posaçëm për reformën në drejtësi.
Nga negociatat për të arritur dakordësi mes mazhorancës dhe opozitës, mazhoranca ka hequr dorë nga kufizimi i mandatit të Prokurorit të Përgjithshëm. Kështu, ndërprerja e mandatit të kryeprokurorit tashmë nuk është më në draftin e “Drejtësisë”, gjë që ka qenë një kërkesë e mazhorancës.
Gjithashtu, në draftin e ri janë hequr shumë sugjerime të Partisë Socialiste dhe Partisë Demokratike. I pandryshuar është lënë neni për mosdiskriminim për shkak të orientimit seksual, një nën i kundërshtuar nga deputeti i PD Genc Ruli, sipas të cilit Kushtetuta nuk duhet të ndryshojë për të tilla gjëra, por për ndryshime të rëndësishme në kuadër të reformimit të drejtësisë.
Kujtojmë se gjatë ditës së djeshme, kryetari i Parlamentit Ilir Meta është takuar me kryetarin e Partisë Demokratike Lulzim Basha, ku u njoh me kërkesën e opozitës për realizimin e reformës në drejtës.
Sot, Meta u takua me Ramën në rolin e negociatorit mes Bashës dhe Kryeministrit. Ndërsa, pas tij në Kryeministri shkuan dy ambasadorët Donald Lu dhe Romana Vlahutin.
