Perfundon Shqiperi-Zvicër 0-1. Pa fat ishte Shqipëria në këtë ndeshje. Pavarësisht një shpirti luftarak të kombëtares shqiptare, kuqezinjtë nuk mundën të barazonin shifrat në humbjen 0-1 me Zvicrën pas dy rasteve të pastra përballë me portierin të shpërdoruara nga Sadiku në pjesën e parë, dhe Gashi në fund të pjesës së dytë.
Fillimi nuk ishte aspak i mirë për Shqipërinë, me pësimin e golit që në minutën e 5 nga Fabian Schar dhe nxjerrjes jashtë loje me karton të kuq të kapitenit Lorik Cana, i cili humbi edhe mundësinë për të luajtur ndaj Francës në ndeshjen e ardhshme të Grupit A.
Kur ishin momentet më të mira tonat, nga një kundërsulm i zviceranëve, kapiteni Cana rrëshqet në hyrje të zonës sonë dhe e prek topin me dorë. Arbitri e ndëshkon me kartonin e dytë të verdhë dhe për pasojë largohet nga loja me karton të kuq.
Edhe pse me një lojtar më pak, tentuan të reagojmë në 45 minutat e dyta dhe patëm mundësi të shkëlqyra për shënim. Sadiuku e më pas Gashi gabuan ndërsa ishin të vetëm me portierin e Zvicrës.
Kjo ndeshje i dha fund raundit të parë të Grupit A, me ekipin organizator Francën që kryeson grupin e ndjekur nga Zvicra.
Ndeshja minutë pas minute
MBYLLET TAKIMI, ZVICRA NA MPOSHT MINIMALISHT 0-1. GOL I SHËNUAR NGA MBROJTËSI SCHAR QË NË MINUTËN E 5.
Edhe Mavraj ndëshkohet me të verdhë
Akordohen edhe 3 minuta shtesë nga arbitri i katërt.
Duke u luajtur minuta e fundit e kohës së rregullt…
E pa besueshme se çfarë humb Gashi… I vetëm me portierin i pashqetësuar nga asnjë mbrojtës gabon…
Xhardan Shaqiri ekzekuton një goditje nga këndi, por gabon tërësisht.
Sadiku shpërdoron një tjetër mundësi të mirë. Hysaj dhuron një pasim perfekt brenda zonës, por Sadiku e dërgon topin ngjitur me shtyllën.
Edhe Zvicra kryen zëvendësimin e dytë Fabian Frei zëvendëson Xhemailin te Zvicra.
Cikalleshi në fushën e lojës zëvendëson Roshin.
Edhe pse me një lojtar më pak Shqipëria po kërkon të reagojë duke u hedhur përpara, megjithatë rrezikojmë në mbrojtje.
Tjetër goditje nga këndi për Shqipërinë. Sërish largojnë mbrojtësit e zvicrës.
Behrami u ndëshkua me kartonin e verdhë për një ndërhyrje mjaft të rëndë ndaj Lenjanit.
Berisha duket se e ka “personale” me Seferoviç, një tjetër pritje e sërish ishte sulmuesi ishte i vetëm me portierin. E treta pritje fantastike e Berishës.
63’ Menjëherë Ergys Kaçe ndëshkohet me të verdhë, ndaj Behramit që po i drejtohej zonës sonë në një kundërsulm.
Edhe Zvicra bën një zëvendësim. Embolo zëvendëson Mehmedin.
Ergys Kaçe hidhet në fushën e lojës, duke zëvendësuar Taulant Xhakën.
Luhen minuta të qeta. Zviceranët kërkojnë tashmë të administrojnë rezultatin, ndërsa kërkojnë të shfrytëzojnë edhe avantazhin numerik për të shikuar edhe drejt sulmit.
Seferovic sërish vë në pozitë Berishën, por portieri ynë sërish tregohet mjaft i saktë. Sulmuesi zviceran godet fort nga e majta e sulmit të tyre, por reagon portieri ynë.
Mundësi e mirë për Sadikun, por sërish nuk arrin sulmuesi ynë ta dërgojë topin në rrjetë. Hysaj dhuroi një pasim perfekt për Sadikun, por ishte portieri Sommer që arriti më parë te topi.
Kukeli është duke luajtur në qendër të mbrojtjes së bashku me Mavraj.
Edhe pse Cana u largua me kartonin e kuq, De Biasi ende nuk ka bërë ndonjë zëvendësim.
Nis pjesa e dytë e takimit.
15:48 Mbyllet pjesa e parë e takimit Shqipëri -Zvicër me rezultatin 0 -1.
15: 35 Kapiteni i kombëtares, Lorik Cana ka përfunduar para kohe ëndrrën e tij për të luajtur kundër Zvicrës pasi ka dalë me karton të kuq të takimit në minutën e 35.
Rodriguez i shpëton kartonit të verdhë, megjithëse kreu një ndërhyrje mjaft të rëndë ndaj Agollit. Fatmirësisht lojtari ynë ngrihet pa probleme.
Mundësi e jashtëzakonshme për Sadikun, i vetëm me portierin, gabon. Rast fantastik, por portieri reagoi si duhet.
Prej disa minutash qëndrojmë në zonën e zviceranëve, por ende nuk po arrijmë të gjejmë golin e barazimit.
Fitojmë një tjeter goditje nga këndi. Largojnë sërish zviceranët.
Çfarë mundësia për Shqipërinë. Goditja e Xhakës përfundon pak mbi traversë.
Cana ndëshkohet me karton të verdhë. Ndërhyrje e parregullt ndaj Xhemailit në mesin e fushës.
Goditje nga këndi për Shqipërinë. Arrijnë të largojnë zviceranët.
Godtja e tretë nga këndi për Zvicrën, e fiton Xhemaili.
Super pritje e portierit Berisha. Seferovic u gjend i vetëm me portierin tonë.
Ndërhyrje e gabuar ndaj Lenjanit. Shqipëria fiton një goditje dënimi afër zonës zvicerane ndërsa Schar ndëshkohet me të verdhë. Krosimi i Xhakës në duart e portierit. Nisen shpejt ziceranët…
15:06 Ekipi zvicerian ka shënuar golin e parë të takimit të ndeshjes Shqipëri – Zvicër.
Ora 15:00 Nis takimi historik Shqipëri-Zvicër i Kampionatit Europian të Futbollit. Himni Kombëtar shqiptar këndohet në stadiumin “Bollaert – Delelis” duke emocionuar shqiptarët anë e mbanë botës.
…………………….
Vetëm 20 minuta përpara nisjes për në stadiumin e Lensit, trajneri Xhani De Biazi, ka zhvilluar mbledhjen e zakonshme duke deklaruar edhe formacionin zyrtar.
Kuqezinjtë zbritën në stadiumin “Bollaert-Delelis” në mesditë, nën një atmosferë elektrizuese të krijuar nga tifozët e Kombëtares.
Shqipëria bën debutimin historik në finalet e një Europiani. Kuqezinjtë e De Biazit përballen këtë të shtunë (ora 15:00) me Zvicrën, në ndeshjen e vlefshme për finalet e “Euro 2016” që luhen në Francë.
Formacioni zyrtar i Kombëtares:
Shqipëria: Berisha, Hysaj, Cana, Mavraj, Kukeli, Abrashi, Agolli, Lenjani, Xhaka, Roshi, Sadiku.
Trajner: De Biazi
Formacioni i Zvicrës: Somer, lishtajner, Seferoviç, Xhaka, Brahimi, Rodrigez, Dezmaili, Mehmedi, Djourou, Schar, Shaqiri.
Trajner: Petkoviç
https://www.youtube.com/watch?v=KZlK_5ALy3k&feature=youtu.be
