NGA ARTAN FUGA
Ata që punësojnë janë bërë si agjenci imobiliare, që japin shtëpi me qira.
Kanë interes që të punësojnë sa më shumë, pastaj t’i heqin sa më shpejt nga puna ata që u punësuan, të punësojnë sa më shumë të tjerë, pastaj t’i riheqin sa më shpejtë nga puna edhe këta, pastaj të punësojnë sa më shumë prapë të tjerë, pastaj t’i heqin sa më shpejt nga puna edhe këta, pastaj të punësojnë sa më shumë, pastaj t’i heqin sa më shpejt nga puna edhe këta.
Pse do thoni ju?
Sepse çdo punësim i ri sjell përfitime financiare, politike, elektorale, miq, borxhe nderi, etj.
Edhe agjencitë imobiliare kështu e optimizojnë fitimin, duke i dhënë e ridhënë me qira apartamentet.
Pse tjetër?
Sepse kështu kapet edhe shifra e punësimeve të premtuara. U tha sesa do të punësohen, por jo sesa do të hiqen që të punësohen të rinjtë.
Me këtë metodë mund të punësohen 6 milionë shqiptarë në një vit?
