Muhammad Ali, një ndër njerëzit më të rëndësishëm të sportit të boksit, kampion i botës dhe olimpik, i cili kapërceu botën e sportit për tu bërë një simbol i lëvizjes kundër luftës të viteve 1960, si dhe i cilësuar si ambasador global për mirëkuptimin ndër-kulturor, vdiq natën e së premtes në një spital në Phoenix, ku ai jetonte. Ai ishte 74 vjeç.
Associated Press dhe degët e tjera të lajmeve kanë konfirmuar vdekjen e tij. Boksieri ishte shtruar në spital me probleme të frymëmarrjes që lidhen me sëmundjen e Parkinsonit, e cila ishte diagnostikuar në vitin 1980.
Muhamed Ali do të mbahet mend si një nga figurat më të njohura në mbarë botën, pasi fitoi titullin Kampion të peshave të rënda 3 herë të ndryshme. I pari ishte ‘Knock Out”-i në ndeshjen e vitit 1964 me Sonny Liston.
Ali, lindi me emrin Cassius Clay dhe më pas u konvertua në mysliman në vitin 1964. Ai gjithashtu mbetet i famshëm për refuzimin për të hyrë në Luftën e Vietnamit në vitin 1967.
Edhe pse u diagnostikua me sëmundjen e Parkinsonit në vitin 1984, Muhamed Ali vazhdoi një jetë shumë aktive në ngjarjet ndërkombëtare brenda dhe jashtë botës sportive.
Ndezja prej tij e flakës Olimpike në lojërat e vitit 1996 të Atlanta-s, është konsideruar si një nga imazhet ikonë në historinë olimpike.
Kampioni la pas gruan e tij Yolanda Williams dhe 9 fëmijë – 7 vajza, 2 djem – duke përfshirë Laila Ali, e cila u bë një boksiere e pamposhtur.
Kur doli në pension në vitin 1981, Muhamed Ali numëronte 56 fitore, 5 humbje dhe 37 knockouts.
