Ushtria siriane, e mbështetur nga aleati i saj rus hyri sot për herë të parë që prej dy vitesh në provincën siriane Raqa, ku grupi ISIS rrezikon të shfaroset, raporton agjencia franceze e lajmeve AFP.
Tashmë, ISIS po përballet me tre ofensiva në Siri, nga të cilat dy janë operacione të mëdha në Raqa, ku progresojnë gjithashtu forca të mbështetura nga amerikanët, si dhe një tjetër në provincën fqinje Aleppo.
Ndërkohë, raportohet se ISIS po humbet terren edhe në Irak dhe rrezikon të humbasë rajonin Fallujah, një bastion ky i xhihadistëve.
