“Sajmir Tahiri e gjeti çimkën më 18 maj në zyrën e tij dhe akuzoi Ilir Markon si autorin e përgjimit”.
Kështu ka deklaruar ish-kryeministri Sali Berisha duke cituar mesazhin e një oficeri dixhital të ardhur në adresë të tij. Berisha thotë se Tahiri ka dërguar dy makina me policië dhe e kanë marrë Markon në një lokal. Sipas Berishës, Tahiri i ka kërkuar Metës largimin e Markos, por Meta ka kërkuar prova.
STATUSI I BERISHËS
Oficeri dixhital jep të dhëna të reja lidhur me çimkën e Saje qorrit. Ai informon:
-Më dt 18 maj, ditën që Saje gjeti çimkën ne zyre, menjëherë akuzoi Ilir Markon si autorin e përgjimit te tij dhe
-Dërgoi skuadër policësh me dy makina dhe e morën thuajse menjëherë në një lokal duke i thënë se zyra jote po tymon.
-Pasi Iliri hapi zyrën, çunat e krimit menjëherë rrethuan zyrën e tij me shirit “zonë krimi” dhe filluan bastisjen që zgjati 24 orë duke hedhur çdo gjë në tokë, madje edhe suvanë për të gjetur aparatin marrës të videos së transmetuar nga zyra, por nuk gjetën asgjë në zyrën e Markos.
– Ndërkohë Saje qorri takon Ilir Metën dhe i thotë se Ilir Marko i ka bërë atij përgjimin ndaj dhe i kërkon largimin e tij të menjëhershëm nga detyra.
-Meta i thotë më sill prova që unë të vendos përndryshe ai do qëndrojë në detyrë për sa kohë të vazhdojë koalicioni.
– Saje qorri de facto shkarkon Ilir Markon, informon shtypin se është dënuar si një hajdut ordiner makinash dhe i ndërpret pjesëmarrjen në çdo aktivitet publik si dhe e vendos në survejim të plote. Kështu që të gjithë ata që mund të ftojnë Markon për kafe duhet ta dinë se ai është në survejim dhe përgjim të gjithanshëm!
-Dje, pra pas dy javësh manipulimi dhe fshirjesh të çimkës, Saje qorri nisi në prokurori për ndjekje penale jo Ilir Markon sepse ka frikë se i nxjerr videon, por autorin anonimin të përgjimit. Ai e bëri këtë sa për të larë duart se gjoja nuk ka frikë se është filmuar cullak etj.
Por nga ana tjetër ai, si të thuash tallet me prokurorinë, vetë e fsheh autorin e përgjimit, prokurorëve ju thotë gjejeni ju se kush më përgjoi?!
I bëj thirrje prokurorisë të marrë menjëherë të pandehur Saje qorrin për fshehjen e krimit shtetëror, si për fshirjen e videos ashtu dhe për fshehjen e autorit të regjistrimit si kompromis për të mos i nxjerrë videon me të palarat e tmerrshme të zyrës së tij! sb
