Ish kryeministri Sali Berisha ka reaguar në rrjetin social Facebook lidhur me tenderin e OSHEE prej 135 milion lekë publikuar nga Boldnews.al.
Berisha akuzon drejtorin e OSHEE, Ardian Çela se faturon energjinë me afrofe me tre fishin e e çmimit.
Ja si vjedh hajduti i shtetit Ardian Çela per te zbardhur fytyren e nxire!
Te dashur miq, drejtori i OSHEE, Ardian Çela pasi me faturat aforfe faturon energjine 200 mije familjeve me tre fishin e çmimit dhe pasi ka urdheruar mbifaturim 50-150 kv energji per qytetaret e Elbasanit, Durresit, Shkoders etj deshiron te zbardhe faqen e tij te nxire. Per kete qellim ky hajdut shteti ka hapur tender duke shkelur çdo rregull per te permiresuar imazhin dhe vjedhur dhe shperdoruar per kete qellim edhe 135 milion leke! Per me me hollesi lexoni ju lutem shkrimin e marre nga portali Bold News!sb
Tenderi për postera/ OSHEE, 135 milionë lekë vetëm për imazhin
Çdo ditë, ka me mijëra ankesa në drejtim të OSHEE-së. Natyrisht, ankesat lidhen me faturat e kripura që iu duhet të paguajnë familjet e varfra shqiptare. Gjatë viteve të fundit, kur dhe ndryshuan tarifat për energjinë elektrike, një familje me të ardhura mesatare paguan rreth 20 përqind më shumë energjinë elektrike.
Gjatë kësaj kohe, OSHEE, apo ish-CEZ janë përfshirë në skandale të ndryshme, që nga bërja e tenderëve për të trajnuar stafin e këtij institucioni për t’iu larguar stresin, e deri tek dhënia e tenderëve “klientëve” të qeverisë.
Bold News ka siguruar dokumentet e një tenderi të OSHEE-së, që bën fjalë vetëm për imazhin e këtij institucioni. Në vend që të investohet në rrjetin e amortizuar, apo edhe në matësat elektrikë, me qëllim që të mos ketë mbifaturime, zyrtarët e OSHEE-së kanë akorduar plot 135 milionë lekë të vjetra për të blerë postera, me qëllim që të kenë një imazh më të mirë në publik. Ata harrojnë se pikërisht qytetarët dëshirojnë më shumë që të mos ketë abuzime së pari dhe më pas zyrtarët të mendojnë për luksin.
Sipas tenderit, objekti i prokurimit është “Ri-organizimi i brendshëm i pikave të Kujdesit ndaj Klientit (kategoria A), për përshtatjen e sistemit të menaxhimit automatik të radhës dhe monitorimin audio –video”.
logo
Megjithatë, në këtë rast nuk bëhet fjalë për ndonjë blerje pajisje të kushtueshme, por vetëm e disa posterave. Kështu, sipas specifikimeve teknike, do të blihet letër muri ekologjike me reliev e printuar në teknologjinë Latex me ngjitje me ujë 100% ekologjike për ambiente të brendshme si edhe para përgatitja e hapësirave për ngjitjen e saj si pastrime riparime etj. Kërkohet adeziv akull me shkëlqim të pjesshëm indoor i printuar dhe prerë sipas formës. Do të blihet kornizë alumini për mbajtëset e posterave nga të dy anët, disa TV smart, perde të personalizuara në ngjyrën sipas Brand Manual OSHEE sh.a, shkrim 3D me forex 10 mm i vendosur në mur, printim sipas ngjyrës Brand Manual, kapje e padukshme në mur. OSHEE kërkon logo me dimensione 12 cm me germa 3D me forex 10 mm i vendosur në mur, printim me ngjyrën sipas Brand Manual, kapje e padukshme në mur etj.
